Albisteak – Page 41 – Ibaeta Basket

IDK Gipuzkoak ezin izan du Lointek Gernika Bizkaiaren portzentaiekin

September 29, 2018

Azu Muguruzaren taldeak Euskal Kopako finalerdietan XX-XXeko emaitzarekin galdu du bizkaitarren aurka

Durangoko Landako Kiroldegian jokatzen da emakumezkoen Euskal Kopa asteburuan. IDK Gipuzkoak bigarren finalerdian jokatu du Lointek Gernika Bizkaiaren aurka. Gaurko porrotaren ondoren, Azu Mugurzaren taldeak bihar hirugarren eta laugarren postuarengatik jokatuko du, gipuzkoarren arteko derbia izango da, lehen finalerdian Añares Rioja ISBk ezin izan baitu RPK Araski menderatu.

IDK Gipuzkoak ongi ekin dio partidari, eta Lyndra Weaverren saskiratzeei esker, partidan sartuta izan da taldea. Amerikarrak bost puntu saskiratu ditu lehen lau minutuetan. Kanpoko jaurtiketetan ordea ez da fin aritu taldea, bai aldiz talde bizkaitarra, eta taldean egindako aldaketekin, Mario Lopezen taldeak bost puntuko abantaila erdietsi du markagailuan. Azken minutuetan taldeak ez du amore eman, eta Lara Gonzalezek saskiratutako lau puntuei esker, eta Ellen Nystromen biei esker, IDK Gipuzkoak markagailuan aurretik amaitu du lehen laurdena (11-13).

Bigarren laurdenean, bizkaitarrek eroso ekin diote zelaian. Lehen minutu berdintsu batzuen ondoren, taldeak 10-0eko partziala jaso du, eta horri esker markagailuan tartea handitu dute bizkaitarrek. Lararen barneraketa bati esker eten du bolada txarra taldeak, baina azkenean Weaverren lau punturi esker, atsedenaldira hiru puntuz behetik heltzea lortu du Azuren taldeak (26-23).

Bigarren laurden hasieran, gernikarrek fin jarraitu dute saskira begira, eta defentsan ezinezkoa izan da portzentai horiek murriztea. Gainera, bizkaitarrek zonakako defentsa ezarri dute, eta taldeari zailtasunak eman dizkio barneko jokoarekin jokatzen jarraitzeko. Izan ere, bi estatubatuarrak izan dira jokoan taldearen pisua eraman dutena, eta hau ekidin nahi izan du Lopezen defentsak. Horrela, azken laurdena hasi aurretik, hamalau puntuko abantaila zuten bizkaitarrek (52-38).

Azken laurdena ongi hasi bada ere, Maria Erauncetamurgilen saskiratze batekin, Lopezen neskek erritmo altuarekin jarraitzen zuten, eta berehala partida apurtzea lortu dute. Baloia berreskuratu eta kontraerasoan irtetea, hori izan da bizkaitarren jokoaren gakoa lehen minutuetan partida erabat apurtzeko.

Bihar, IDK Gipuzkoak Euskal Koparen hirugarren eta laugarren postuarengatik lehian ariko da Añares Rioja ISBren aurka. Azpeitiarrek lehen finalerdian ezin izan dute RPK Araski menderatu, eta 82-71ko emaitzarekin galdu dute. Partida goizeko 09:45etan izango da Landako Kiroldegian (Durango), eta aldiz, finala 12:00etan, RPK Araski eta Lointek Gernika Bizkaiaren artean, ETB 1 bidez ikusi ahal izango dena.

Partidako fitxa

Lointek Gernika Bizkaia: 71 (11-15-26-19)
Ariztimuño (12), Vanderwal (8), Dietrick (4), Berezhysnka (20) eta Pascua (2) – Hasierako bostekoa- Diez (0), Alberdi (2), Molina (4) eta Gwathmey (19).

IDK Gipuzkoa: 48 (13-10- 15-10)
Brkic (2), Iparragirre (0), Aduriz (2), Weaver (16) eta Vionise (10) – Hasierako bostekoa – Erauncetamurgil (8), Gonzalez (8), Olabarria (0) eta Nystrom (2).

Epaileak:
Juan Carlos Garcia, Javi Bravo eta Aitor Gomez, ez dute jokalaririk egotzi.

Partidako estatistikak hurrengo estekean dituzue

IDK Gipuzkoak Torrejon de Ardozen hasiko du denboraldia

August 15, 2018

Jorge Garbajosa Kiroldegian jokatuko da DIA Ligako Open DAYko bigarren ekitaldia.

Torrejon Ardozeko Jorge Garbajosa Kiroldegian jokatuko da aurtengo Liga DIAko Open Daya. Bigarren urtez jarraian, FEBek lehen jardunaldiko partida guztiak leku berean jokatzea nahi du, eta berau izango da jokalekua. Horrela, IDK Gipuzkoak Embutidos Pajariel Bembibre PDM-ren aurkako partida, urriaren 14ean jokatuko du.

Ya queda menos de dos meses para el inicio de la Liga DIA, y ya se conoce el escenario elegido para su estreno. Así, el IDK Gipuzkoa sabe donde disputará su encuentro inaugural de la Liga DIA. El Open Day de la temporada 2018/19 se disputará en la localidad madrileña de Torrejón de Ardoz. Concretamente su Pabellón Jorge Garbajosa será el escenario donde disputarán sus encuentros 14 equipos de la Liga Dia. Concretamente serán siete encuentros.

Visto el éxito que tuvo la organización de la temporada pasada, esta temporada la Open Day también tendrá un mismo esquema. El viernes se presentarán a todas las plantillas en un acto que se celebrará en el Auditorio Paco de Lucía de Alcobendas.

Un día más tarde, el balón comenzará a rodarse, y es cuando el Pabellón Jorge Garbajosa comenzará a recibir a las plantillas de la temporada 2018/19. Concretamente, la plantilla de Azu Muguruza disputará su encuentro el domingo a la mañana, siendo el primero de la jornada del domingo.

Ordutegi hauekin jokatuko dira aurtengo Open DAYko partidak:

Larunbata, urriaren 13a:
– Cadí la Seu vs Durán Maquinaria Ensino (11:00 h)
– Nissan Al-Qázeres Extremadura vs Baxi Ferrol (13:15 h)
– Valencia BC vs Perfumerías Avenida (18:00 h)
– Quesos El Pastor vs RPK Araski (20:15h)

Igandea, urriaren 14a:
– Embutidos Pajariel Bembibre PDM vs IDK Gipuzkoa (11:00 h)
– Snatt´s Sant Adrià vs Lointek Gernika (13:15 h)
– Mann-Filter Casablanca vs Spar CItyLift Girona (16:30 h)

IDK Gipuzkoak ezagutzen du DIA Ligako bere egutegia

July 18, 2018

Gaur goizean egin da datorren denboraldiko partiden zozketa

DIA liga urriaren 13an hasiko da, eta berau iaz bezala, Open DAY deritzon ekitaldiarekin izango da. Jardunaldiko partida guztiak leku berean izango dira, eta bertan, IDK Gipuzkoak Embutidos Pajariel Bembibreren aurka ariko da. Aurten bisitari moduan ariko da, izan ere iaz etxean jokatuko balu bezela aritu zen taldea, eta horrela Gaskan partida bat gutxiago jokatu zuten. Aurten, ordea, aldatzea erabaki dute Espainiako Saskibaloi Federaziotik.

Ordutik, urte amaiera arte ariko dira lehen itzuliko hamahiru partidak jokatzen, izan ere hamahirugarren jardunaldia, lehen itzuliko azkena, abenduaren 30ean jokatuko da. Orduan jakingo da, zein zortzi talde ariko diren Erreginaren Kopan, izan ere, aurtengo berrikuntzetako bat, zortzi talde ariko direla Kopan da. Guztira lehen zazpi sailkatuak eta etxeko taldea ariko dira otsailaren 28tik martxoaren 3ra jokatuko diren kanporaketetan.

Urte hasieratik, apirilaren 7ra, aldiz, bigarren itzulia jokatuko da, beste hamahiru partidekin. Asteburu horretan, IDK Gipuzkoak Spar Citylift Gironaren aurka jokatuko du, denboraldiko azkena Josean Gaskan.

Egutegia osorik ikusteko, klikatu estekean: DIA Ligako egutegia

Azu, Sara eta Maria dominen lehian

July 14, 2018

Emakumezkoen U20ko Europako Txapelketako finalerdian ariko dira gaur Holandaren aurka (20:15)

Albiste onak datozkigu Sopronetik. Izan ere, bertan jokatzen ari da Emakumezkoen 20 urtez azpiko Europako Txapelketa, eta bertan, gure hiru ordezkari ditugu Espainaiko selekzioan. Azu Muguruza da entrenatzaile laguntzailea, eta Maria Erauncetamurgil eta Sara Iparragirre gure jokalariak ere badaude bertan. Orain arte, selekzioak jokatutako partida guztiak irabazi ditu.

Lehen fasean, Espainiak Portugal mendean hartu zuen lehen partidan (43-57), eta Belgica (77-32) eta Holanda (79-59) hurrengo bietan. Final zortzirenetan, kroazia izan zuten aurkari (93-41) eta final laurdenetan, aldiz, Frantzia (50-51). Orain, finalerdietan aurkaria Holanda izango da, eta beste finalerdian ariko dira Serbia eta Italia.

Orainarte jokatutako bost partidatan, gure jokalariek paper ona izan dute, nahiz eta biek lau partida jokatu dituzten. Mariak ez zuen Holandaren aurkako faseko azken partida jokatu, eta Sarak, aldiz, final laurdenetako partida aulkian eman zuen.

Gaur, Holandaren aurka jokatuko dute finalerdietan. Gaur ekingo diote dominen lehiari. Gaurko aurkaria ezaguna da espainiarrentzat, izan ere faseko multzoaz gain, Leonen egindako prestakuntzan ere elkar aritu ziren. Bi partidetan garaipea lortu arren, partida berria izango da 20:15etan hasiko den partida. Ohi bezala, FIBAren youtubeko kontuan jarraitzeko aukera izango da, Serbia eta Italiak 18:00etan jokatuko duten finalerdia bezala. Bihar amaituko da txapelketa, eta guarko ordutegi berak izango ditu, 18:00etan hirugarren eta laugarren partida, eta 20:15etan finala.

GEHITU GURE ESLOGANERA: TALDE HONEK EZ DU INOIZ AMORE EMATEN!

July 5, 2018

Ibaeta Basket-ek 2018/19 denboraldirako bazkide kanpaina abian jarri du, eta bertan, emakumezkoen saskibaloirik onenaz 25€ren truquean gozatzeko aukera izango da, abuztuaren 31 baino lehenago bazkide eginez gero.

Datorren denboraldiko taldea osatu ondoren, Ibaeta Basketek sasoi berria prestatzen darrai. Horretarako, DIA Ligako 2018/19 denboraldiko bazkide kanpaina abian jarri du, poltsiko guztietara egindako prezioekin. Gure lema, “Talde honek ez du inoiz amore ematen! Da, eta 25€tik hasitako salneurriak izango dira abuztuaren 31a baino lehen bazkide eginez gero. Bederatzi jokalarik jarraituko dutela jakin ondoren, Gaskako harmailetan ere IDK Gipuzkoa jarraitzen zale gehiago egotea espero da.

Bazkide egiteko, gure webgunean dagoen (www.ibaetabasket.com), Harpidetu lehiatilako datuak betez egin dezakezu. Salneurri guztiak bertan daude, baina gogoratu, abuztuaren 31 baino lehen bazkidetzen direnentzat direla salneurri hauek. Zehazki, hauek dira precio horiek:

2005-2011 urte bitarteetan jaiotako umeak 25€
1999 eta 2006 urte bitarteetan jaiotako gazteak: 35€
Ikasleak eta jubilatuak: 35€
Helduak: 65€

IDK Gipuzkoak kluba sendotzen jarraitu nahi du, eta datorren denboraldiko Eurocupen ez jokatzea erabaki du

June 11, 2018

Azkenean talde donostiarrak datorren denboraldiko Eurocup Txapelketan ez parte hartzea erabaki du. Nahiz eta aurreko denboraldiko emaitzak jokatzeko aukera eman, ez parte hartzea erabaki du. Batetik, Zuzendaritzak parte hartzeko beharrezkoak ziren 80.000 – 90.000 euroak bildu ez izanagatik, eta bigarrenik, diru horren erdia gutxienez babesle pribatuen bidez izatearen helburua ez betetzeagatik. Lehen baldintzak, taldeari Eurocup Txapelketan inongo arazorik gabe parte hartzea ahalbideratuko bailio, eta bigarrenak, aldiz, taldearen epe ertain-luzera begira, sendotasuna emango liokeelako klubari.

Klubetik, eskerrak eman nahi dizkiegu, bai instituzio publikoei emandako babesarengatik. Baita ere, gure babeslea den IDK Elektronicari, izan ere, egun hauetan emandako babes eta laguntzarekin, eta baita ere Diario Vasco bezalako babesle berriei ere. Egun hauetan jasotako babesari esker, Klubak euren babesleekin dituen harremanak hobetzea ahalbideratu dute, publikoak zein pribatuak.

Klubaren Zuzendaritzak bere sendotasuna hobetzeko, eta kirol eta gizarte arloak hobetzen jarraitzeko lanean jarraituko du. Lan hauen artean izango da babesle berriak bilatzearen lana, izan ere, hauei esker lortuko du taldeak etorkizunean urrats berriak ematea. Hurrengo egunetan, taldeak Bazkide Kanpaina berria aterako du, azken urteetan bezala, bere zaleen laguntza izaten jarraitzeko, eta bazkide berriei ongi etorria eman, eta taldearen hazkundea ikusteko.

EL DIARIO VASCOk Ibaeta Basketekiko laguntza handitu du

June 7, 2018

Gipuzkoako Hedabideak bere ekarpena handitzea erabaki du

Klubak babesleak gehitzen jarraitzen du, eta horrela, bere egitura eta ahal dela europako parte-hartzea ere. Diario Vascok bere aldetik, gurekiko zuen laguntza sendotzea erabaki du, eta horrela taldea hazten lagundu eta bertan mantentzea lagunduz.

Klubetik, gainontzeko enpresei deia luzatzen diegu IDK Gipuzkoaren, eta haren proiektuen aldeko apustua egin dezaten.

Onintza Adurizek osatuko du IDK Gipuzkoaren taldea

June 7, 2018

Donostiarrak denboraldi bat gehiago ariko d, eta bere hamargarren denboraldia osatuko du talde donostiarrean

Onintza Aduriz eta Ibaeta Basket akordio batetara heldu dira, eta horrela, donostiarrak DIA Ligan lehiatzen jarraituko du. Horrela, donostiarrak hamargarren denboraldia osatuko du hazten ikusi duen talde donostiarrean. Bestalde, IDK Gipuzkoak, bere taldea itxi du 2018/19 denboraldirako.

Onintza Aduriz taldeko jokalari helduetariko bat da, eta beste denboraldi batez, horrela izaten jarraituko du. Jokalariak ez du DIA Ligako partidarik galdu, ez lesioengaitik, edota entrenatzailearen erabakiz. Jada 136 partida jokatu ditu, 126 liga erregularrekoak, Superkopako bat, Erreginaren kopako hiru eta Play Offetako sei. Denboraldi honetan, bere ibilbidea gehiago hazteko aukera izango du.

IDK Gipuzkoak bere taldea lehen bailehen itxi nahi izan du, eta jada ekainaren hasieran taldea osatutzat ematen du. Onintza Adurizek, bere arlo profesionaleko aukera guztiak ongi lotu ondoren onartu du taldearen eskaintza, eta berarekin, Azuk taldea itxita dauka Espainiako U20ko hautatzaile laguntzaile gisa hasi aurretik. Donostiarra gustura da, izan ere bere hamargarren partida jokatuko du talde donostiarrean, “gustura naiz, nire lan profesionalak uztartzeko aukera izan dut”, onartu du donostiarrak.

Adurizen jarraipenarekin, Muguruzak hamar jokalari izango ditu bere aginduetara, aurten izan dituen antzeko taldea. Jillian Alleyne eta Italee Lucas izango dira jarraitzen ez duten bakarrak. Barneko jokalariaren ordez ariko da, Vionise Pierre Louis, fitxaketa bakarra, eta hegalekoaren ordez itzuliko da Iulene Olabarria kapitaina.

Ia talde osoaren jarraipena ez da ohikoa izaten, baina Adurizekin bederatzi izan dira beste denboraldi batez jarraitzea erabaki dutenak. Adurizentzat, iaz egindako talde-giroa erabakiorra izan da taldean jarraitzeko eskaintza onartzeko. “Iaz giza talde polita egin genuen, zelaietan, eta baita zelaietatik kanpo ere. Gehienok jarraitzen dugula ikustean, nire erabakian zerikusia izan du, eta bestalde, klubak ere lana ongi egiten duen seinale adierazgarria da. Azkenean bederatzi jokalarik jarraituko dugu”, esan du hegalekoak.

Adurizekin, Azu Muguruzak 2018/19 denboraldian bere aginduetara izango duen taldea honela geratzen da:Iva Brkic eta Lara Gonzalez antolatzaileak, Iulene Olabarria, Sara Iparragirre, Ellen Nystrom eta Onintza Aduriz hegalekoak, eta Lyndra Weaver, María Eraunzetamurgil, Toch Sarr eta Vionise barneko jokoan.