Ibaeta Kirol Elkartea Euskal Herriko Unibertsitatearen kirol zerbitzuan eratu zen, Gipuzkoako kanpusean. garai haietan, unibertsitate mailako ligan jolastuz.

Liga hauetan emaitza azpimarragarriak lortu ondoren, liga federatuetan hasi zen taldea lehiatzen. 2005 urtean, Donostiako Saskibaloi Ibaeta Kirol Elkartea sortu zen, estatuko maila federatuetan lehiatu ahal izateko (Lehenengo maila, Emakumezkoen 2 Liga eta gaur egun, estatu mailako saskibaloi kategoria gorena, Emakumezkoen Liga).

Historian zehar, Elkartearen izaeraren jarrera eta identitatea bere helburuak lortu eta hobetzeko grina izan dira; pausuz pausu, modu jasangarrian hazi eta epe luzerako proiektua sendoa eraikiz.

Ekimenak Gipuzkoako saskibaloia osatzen duten pertsona guztiekin bat egin nahi du,  saskibaloiaren piramideari ekarpena  egin eta elitean lehiatu ahal izateko talentua sortuz.

Kirol, pertsona eta talde erronkak uztartzea balioak praktikan jarri, eta plazaratzeko eszenatoki bikaina dela uste dugu. Kirolaren bitartez gure jokalariei eta gizarteari balioen transmisioa egitea ezinbesteko ardatza da Elkartearentzat.

Palmaresa

UNIBERTSITATEKO LIGA ezberdinetan du jatorria

Elkartearen jatorria 1996-1997 urteetan sortutako unibertsitate ligatan aurki dezakegu; Ibaeta Kirol Elkartea, aitzitik, 2005 urtean sortu zen, eta gaurdaino, Espainiako lau Unibertsitate Txapelketa lortu dituzte:

• 2008ko Espainiako Unibetsitate Txapelketa (Huesca).
• 2009ko Espainiako Unibetsitate Txapelketa (Donostia).
• 2012ko Espainiako Unibetsitate Txapelketa Almeria).
• 2013ko Espainiako Unibetsitate Txapelketa (Murcia).

2010ean, halaber, Europako Unibertsitate Txapelketa parte hartu zuen taldeak, Poznan – Polonian.

LEHEN MAILA NAZIONALA

2005ean Elkartea eratu aurretik, taldeak Lehen Maila NAZIONALean lehiatu zen EHU-ren babespean.

Ibaeta Kirol Elkartea 2005ean eratu zen. Bi urte beranduago, 2007eko maiatzean Leonen ospatu zen igoera fasean hain zuzen, taldeak “Emakumezkoen Liga”rako txartela lortu zuen lehenengo postua eskuratu ondoren; lan askoren ostean lortutako saria izan zen.

2 EMAKUMEZKOEN LIGA

Sei denboraldi jarraian aritu zen taldea Espainiako bigarren kategorian lehiatzen, eta hurrengo sailkapenak lortu zituen.

•  07-08 Denboraldia: 6. postua Liga Erregularrean.
• 08-09 Denboraldia: 6. postua Liga Erregularrean.
• 09-10 Denboraldia: 4. postua Liga Erregularrean. Emakumezkoen Ligarako igoera fasean parte hartu zuen.
• 10-11 Denboraldia 1. postua Liga Erregularrean. Emakumezkoen Ligarako igoera fasean parte hartu zuen.
• 11-12 Denboraldia: 1. postua Liga Erregularrean. Emakumezkoen Ligako igoera fasean parte hartu zuen.
• 12-13 Denboraldia: 1. postua Liga Erregularrean. Caceresen jokatu zuen igoera fasea eta bertako taldearen aurka irabazi ostean, Emakumezkoen Ligara igotzeko txartela lortu zuen, gaur egungo “LF Endesa” delako ligara.

EMAKUMEZKOEN LIGA

2013-2014 denboralditik aurrera taldea estatuko saskibaloi maila gorenean lehiatzen da. 2016/2017 denboraldian lortu zuen bere sailkapenik onena, play off-etarako sailkapena lortu ondoren; 2017/2018an, era berean, Erreginaren Koparako ere sailkatu zen taldea, finalerdietara iritsiz.