IDK Gipuzkoa – Ibaeta Basket

IDK Gipuzkoak ezin izan du Lointek Gernika Bizkaiaren portzentaiekin

September 29, 2018

Azu Muguruzaren taldeak Euskal Kopako finalerdietan XX-XXeko emaitzarekin galdu du bizkaitarren aurka

Durangoko Landako Kiroldegian jokatzen da emakumezkoen Euskal Kopa asteburuan. IDK Gipuzkoak bigarren finalerdian jokatu du Lointek Gernika Bizkaiaren aurka. Gaurko porrotaren ondoren, Azu Mugurzaren taldeak bihar hirugarren eta laugarren postuarengatik jokatuko du, gipuzkoarren arteko derbia izango da, lehen finalerdian Añares Rioja ISBk ezin izan baitu RPK Araski menderatu.

IDK Gipuzkoak ongi ekin dio partidari, eta Lyndra Weaverren saskiratzeei esker, partidan sartuta izan da taldea. Amerikarrak bost puntu saskiratu ditu lehen lau minutuetan. Kanpoko jaurtiketetan ordea ez da fin aritu taldea, bai aldiz talde bizkaitarra, eta taldean egindako aldaketekin, Mario Lopezen taldeak bost puntuko abantaila erdietsi du markagailuan. Azken minutuetan taldeak ez du amore eman, eta Lara Gonzalezek saskiratutako lau puntuei esker, eta Ellen Nystromen biei esker, IDK Gipuzkoak markagailuan aurretik amaitu du lehen laurdena (11-13).

Bigarren laurdenean, bizkaitarrek eroso ekin diote zelaian. Lehen minutu berdintsu batzuen ondoren, taldeak 10-0eko partziala jaso du, eta horri esker markagailuan tartea handitu dute bizkaitarrek. Lararen barneraketa bati esker eten du bolada txarra taldeak, baina azkenean Weaverren lau punturi esker, atsedenaldira hiru puntuz behetik heltzea lortu du Azuren taldeak (26-23).

Bigarren laurden hasieran, gernikarrek fin jarraitu dute saskira begira, eta defentsan ezinezkoa izan da portzentai horiek murriztea. Gainera, bizkaitarrek zonakako defentsa ezarri dute, eta taldeari zailtasunak eman dizkio barneko jokoarekin jokatzen jarraitzeko. Izan ere, bi estatubatuarrak izan dira jokoan taldearen pisua eraman dutena, eta hau ekidin nahi izan du Lopezen defentsak. Horrela, azken laurdena hasi aurretik, hamalau puntuko abantaila zuten bizkaitarrek (52-38).

Azken laurdena ongi hasi bada ere, Maria Erauncetamurgilen saskiratze batekin, Lopezen neskek erritmo altuarekin jarraitzen zuten, eta berehala partida apurtzea lortu dute. Baloia berreskuratu eta kontraerasoan irtetea, hori izan da bizkaitarren jokoaren gakoa lehen minutuetan partida erabat apurtzeko.

Bihar, IDK Gipuzkoak Euskal Koparen hirugarren eta laugarren postuarengatik lehian ariko da Añares Rioja ISBren aurka. Azpeitiarrek lehen finalerdian ezin izan dute RPK Araski menderatu, eta 82-71ko emaitzarekin galdu dute. Partida goizeko 09:45etan izango da Landako Kiroldegian (Durango), eta aldiz, finala 12:00etan, RPK Araski eta Lointek Gernika Bizkaiaren artean, ETB 1 bidez ikusi ahal izango dena.

Partidako fitxa

Lointek Gernika Bizkaia: 71 (11-15-26-19)
Ariztimuño (12), Vanderwal (8), Dietrick (4), Berezhysnka (20) eta Pascua (2) – Hasierako bostekoa- Diez (0), Alberdi (2), Molina (4) eta Gwathmey (19).

IDK Gipuzkoa: 48 (13-10- 15-10)
Brkic (2), Iparragirre (0), Aduriz (2), Weaver (16) eta Vionise (10) – Hasierako bostekoa – Erauncetamurgil (8), Gonzalez (8), Olabarria (0) eta Nystrom (2).

Epaileak:
Juan Carlos Garcia, Javi Bravo eta Aitor Gomez, ez dute jokalaririk egotzi.

Partidako estatistikak hurrengo estekean dituzue

IDK Gipuzkoak Torrejon de Ardozen hasiko du denboraldia

August 15, 2018

Jorge Garbajosa Kiroldegian jokatuko da DIA Ligako Open DAYko bigarren ekitaldia.

Torrejon Ardozeko Jorge Garbajosa Kiroldegian jokatuko da aurtengo Liga DIAko Open Daya. Bigarren urtez jarraian, FEBek lehen jardunaldiko partida guztiak leku berean jokatzea nahi du, eta berau izango da jokalekua. Horrela, IDK Gipuzkoak Embutidos Pajariel Bembibre PDM-ren aurkako partida, urriaren 14ean jokatuko du.

Ya queda menos de dos meses para el inicio de la Liga DIA, y ya se conoce el escenario elegido para su estreno. Así, el IDK Gipuzkoa sabe donde disputará su encuentro inaugural de la Liga DIA. El Open Day de la temporada 2018/19 se disputará en la localidad madrileña de Torrejón de Ardoz. Concretamente su Pabellón Jorge Garbajosa será el escenario donde disputarán sus encuentros 14 equipos de la Liga Dia. Concretamente serán siete encuentros.

Visto el éxito que tuvo la organización de la temporada pasada, esta temporada la Open Day también tendrá un mismo esquema. El viernes se presentarán a todas las plantillas en un acto que se celebrará en el Auditorio Paco de Lucía de Alcobendas.

Un día más tarde, el balón comenzará a rodarse, y es cuando el Pabellón Jorge Garbajosa comenzará a recibir a las plantillas de la temporada 2018/19. Concretamente, la plantilla de Azu Muguruza disputará su encuentro el domingo a la mañana, siendo el primero de la jornada del domingo.

Ordutegi hauekin jokatuko dira aurtengo Open DAYko partidak:

Larunbata, urriaren 13a:
– Cadí la Seu vs Durán Maquinaria Ensino (11:00 h)
– Nissan Al-Qázeres Extremadura vs Baxi Ferrol (13:15 h)
– Valencia BC vs Perfumerías Avenida (18:00 h)
– Quesos El Pastor vs RPK Araski (20:15h)

Igandea, urriaren 14a:
– Embutidos Pajariel Bembibre PDM vs IDK Gipuzkoa (11:00 h)
– Snatt´s Sant Adrià vs Lointek Gernika (13:15 h)
– Mann-Filter Casablanca vs Spar CItyLift Girona (16:30 h)

IDK Gipuzkoak ezagutzen du DIA Ligako bere egutegia

July 18, 2018

Gaur goizean egin da datorren denboraldiko partiden zozketa

DIA liga urriaren 13an hasiko da, eta berau iaz bezala, Open DAY deritzon ekitaldiarekin izango da. Jardunaldiko partida guztiak leku berean izango dira, eta bertan, IDK Gipuzkoak Embutidos Pajariel Bembibreren aurka ariko da. Aurten bisitari moduan ariko da, izan ere iaz etxean jokatuko balu bezela aritu zen taldea, eta horrela Gaskan partida bat gutxiago jokatu zuten. Aurten, ordea, aldatzea erabaki dute Espainiako Saskibaloi Federaziotik.

Ordutik, urte amaiera arte ariko dira lehen itzuliko hamahiru partidak jokatzen, izan ere hamahirugarren jardunaldia, lehen itzuliko azkena, abenduaren 30ean jokatuko da. Orduan jakingo da, zein zortzi talde ariko diren Erreginaren Kopan, izan ere, aurtengo berrikuntzetako bat, zortzi talde ariko direla Kopan da. Guztira lehen zazpi sailkatuak eta etxeko taldea ariko dira otsailaren 28tik martxoaren 3ra jokatuko diren kanporaketetan.

Urte hasieratik, apirilaren 7ra, aldiz, bigarren itzulia jokatuko da, beste hamahiru partidekin. Asteburu horretan, IDK Gipuzkoak Spar Citylift Gironaren aurka jokatuko du, denboraldiko azkena Josean Gaskan.

Egutegia osorik ikusteko, klikatu estekean: DIA Ligako egutegia

Azu, Sara eta Maria dominen lehian

July 14, 2018

Emakumezkoen U20ko Europako Txapelketako finalerdian ariko dira gaur Holandaren aurka (20:15)

Albiste onak datozkigu Sopronetik. Izan ere, bertan jokatzen ari da Emakumezkoen 20 urtez azpiko Europako Txapelketa, eta bertan, gure hiru ordezkari ditugu Espainaiko selekzioan. Azu Muguruza da entrenatzaile laguntzailea, eta Maria Erauncetamurgil eta Sara Iparragirre gure jokalariak ere badaude bertan. Orain arte, selekzioak jokatutako partida guztiak irabazi ditu.

Lehen fasean, Espainiak Portugal mendean hartu zuen lehen partidan (43-57), eta Belgica (77-32) eta Holanda (79-59) hurrengo bietan. Final zortzirenetan, kroazia izan zuten aurkari (93-41) eta final laurdenetan, aldiz, Frantzia (50-51). Orain, finalerdietan aurkaria Holanda izango da, eta beste finalerdian ariko dira Serbia eta Italia.

Orainarte jokatutako bost partidatan, gure jokalariek paper ona izan dute, nahiz eta biek lau partida jokatu dituzten. Mariak ez zuen Holandaren aurkako faseko azken partida jokatu, eta Sarak, aldiz, final laurdenetako partida aulkian eman zuen.

Gaur, Holandaren aurka jokatuko dute finalerdietan. Gaur ekingo diote dominen lehiari. Gaurko aurkaria ezaguna da espainiarrentzat, izan ere faseko multzoaz gain, Leonen egindako prestakuntzan ere elkar aritu ziren. Bi partidetan garaipea lortu arren, partida berria izango da 20:15etan hasiko den partida. Ohi bezala, FIBAren youtubeko kontuan jarraitzeko aukera izango da, Serbia eta Italiak 18:00etan jokatuko duten finalerdia bezala. Bihar amaituko da txapelketa, eta guarko ordutegi berak izango ditu, 18:00etan hirugarren eta laugarren partida, eta 20:15etan finala.

GEHITU GURE ESLOGANERA: TALDE HONEK EZ DU INOIZ AMORE EMATEN!

July 5, 2018

Ibaeta Basket-ek 2018/19 denboraldirako bazkide kanpaina abian jarri du, eta bertan, emakumezkoen saskibaloirik onenaz 25€ren truquean gozatzeko aukera izango da, abuztuaren 31 baino lehenago bazkide eginez gero.

Datorren denboraldiko taldea osatu ondoren, Ibaeta Basketek sasoi berria prestatzen darrai. Horretarako, DIA Ligako 2018/19 denboraldiko bazkide kanpaina abian jarri du, poltsiko guztietara egindako prezioekin. Gure lema, “Talde honek ez du inoiz amore ematen! Da, eta 25€tik hasitako salneurriak izango dira abuztuaren 31a baino lehen bazkide eginez gero. Bederatzi jokalarik jarraituko dutela jakin ondoren, Gaskako harmailetan ere IDK Gipuzkoa jarraitzen zale gehiago egotea espero da.

Bazkide egiteko, gure webgunean dagoen (www.ibaetabasket.com), Harpidetu lehiatilako datuak betez egin dezakezu. Salneurri guztiak bertan daude, baina gogoratu, abuztuaren 31 baino lehen bazkidetzen direnentzat direla salneurri hauek. Zehazki, hauek dira precio horiek:

2005-2011 urte bitarteetan jaiotako umeak 25€
1999 eta 2006 urte bitarteetan jaiotako gazteak: 35€
Ikasleak eta jubilatuak: 35€
Helduak: 65€

Sara eta Maria U20ko selekzioaren azken deialdian

June 28, 2018

Jokalariak hautatzailearen laguntzaile izango den Azu Muguruzarekin izango dira

Albiste onak heltzen zaizkigu espainiako U20ko selekzioaren egonalditik. Bertan dira IDK Gipuzkoako bi jokalari dira hamabost jokalariz osatutako egonaldian, eta lehen partiden ondoren, biek dialdian jarraituko dute, eta gaur Belgikara bidaiatuko dute, Sopronen (Hungria) jokatuko den europako txapelketa prestatzen jarraitzeko.

Uztailaren 7an hasiko den Europako Txapelketa prestatzen darrai Espainiako 20 urtez azpiko selekzioak. Bertan, Azu Muguruza entrenatzailea dago Miguel Mendez hautatzailearen laguntzaile gisa, eta bertan jarraituko dute Maria Erauncetamurgil eta Sara Iparragirre jokalariek ere. Egonaldiaren lehen fasea gainditzea lortu dute biek, eta azken deialdian izango dira. Izan ere, hamabost jokalariz osatutako deialdia egin zuten lehenik, eta bertatik, hiru jokalarik etxean gelditu behar dute, europako txapelketara hamabi jokalariz osatutako deialdia eramateko, eta gureak bertan izango dira.

Selekzioak gaur bidaiatuko du Belgikara, izan ere, bertan lagunarteko bigarren txapelketa bat jokatuko dute. Zehazki, bihar jokatuko dute lehen partida Liegen. Lehen aurkaria Frantzia izango da, eta hurrengo egunetan, hurrenez-hurren Belgika eta Turkiaren aurka jokatuko dute. Jada, bertatik sei egun izango dituzte uztailaren 7an hasiko duten Europako Txapelketako estreinako partida prestatzeko. Zehazki, Portugal izango da lehen arerioa.

IDK Gipuzkoako bi jokalariak “pozik” dira Europako Txapelketan parte hartuko dutelako. Halere, Mariak onartu du prestaketako unerik gogorrenetako batean direla, eta “orain nekatuta bagaude ere, jokalariek dugun sentsazioa oso baikorra da”. Egonaldiko lehen fasea gaindituta, donostiarrak argi dauka, eta taldeak “partida guztietan lehiatzeko asmoz izango gara”, aitortu du. Oriotarra ere baikor da, eta pozik da azken deialdian sartzearekin , eta bera ere baikor da taldearekin.

Selekzioak bere lehen lagunarteko partidak jokatu ditu Ferrolen, non jokatutako hiru partidak irabazi dituzte, Holanda, Hungria eta Serbiaren aurka. Lehen partidan, Holanda 77-57 menderatzea lortu zuen Espainiak, eta bertan Maria Erauncetamurgilek 9 puntu saskiratu zituen jokatutako hamazazpi minutuetan. Bigarrengo partidan, Hungria 87-71 irabazi zuen espainiak, eta bertan, Sara Iparragirre izan zen saskiratzailerik nagusiena 16 punturekin. Azken partidan, non lehen aldiz gure bi jokalariak deialdian batera izan ziren, espainiak 73-47ko emaitzarekin menderatu zuen Serbia, eta Mariak sei puntu saskiratu zituen, eta Sarak, aldiz hiru.

Zalantzarik gabe, gure bi jokalariak azken deialdian izatea albiste pozgarria da klubarentzat, izan ere Ibaeta Basketeko IDK Gipuzkoa taldeko hiru ordezkari izango ditu espainiako selekzioak Europako Txapelketan. Espainiak uztailaren 7an ekingo dio Txapelketari Portugalen aurka, eta 8an eta 9an, hurrenez hurren Belgika eta Holandaren aurka jokatuko dute. Kanporaketak, uztailaren 11ean hasiko dira, final zortzirenak jokatzearekin batera, eta final laurdenak hurrengo egunean izango dira. Finalerdia eta finala, aldiz, uztailaren 14 eta 15ean izango dira.

IDK Gipuzkoak kluba sendotzen jarraitu nahi du, eta datorren denboraldiko Eurocupen ez jokatzea erabaki du

June 11, 2018

Azkenean talde donostiarrak datorren denboraldiko Eurocup Txapelketan ez parte hartzea erabaki du. Nahiz eta aurreko denboraldiko emaitzak jokatzeko aukera eman, ez parte hartzea erabaki du. Batetik, Zuzendaritzak parte hartzeko beharrezkoak ziren 80.000 – 90.000 euroak bildu ez izanagatik, eta bigarrenik, diru horren erdia gutxienez babesle pribatuen bidez izatearen helburua ez betetzeagatik. Lehen baldintzak, taldeari Eurocup Txapelketan inongo arazorik gabe parte hartzea ahalbideratuko bailio, eta bigarrenak, aldiz, taldearen epe ertain-luzera begira, sendotasuna emango liokeelako klubari.

Klubetik, eskerrak eman nahi dizkiegu, bai instituzio publikoei emandako babesarengatik. Baita ere, gure babeslea den IDK Elektronicari, izan ere, egun hauetan emandako babes eta laguntzarekin, eta baita ere Diario Vasco bezalako babesle berriei ere. Egun hauetan jasotako babesari esker, Klubak euren babesleekin dituen harremanak hobetzea ahalbideratu dute, publikoak zein pribatuak.

Klubaren Zuzendaritzak bere sendotasuna hobetzeko, eta kirol eta gizarte arloak hobetzen jarraitzeko lanean jarraituko du. Lan hauen artean izango da babesle berriak bilatzearen lana, izan ere, hauei esker lortuko du taldeak etorkizunean urrats berriak ematea. Hurrengo egunetan, taldeak Bazkide Kanpaina berria aterako du, azken urteetan bezala, bere zaleen laguntza izaten jarraitzeko, eta bazkide berriei ongi etorria eman, eta taldearen hazkundea ikusteko.

EL DIARIO VASCOk Ibaeta Basketekiko laguntza handitu du

June 7, 2018

Gipuzkoako Hedabideak bere ekarpena handitzea erabaki du

Klubak babesleak gehitzen jarraitzen du, eta horrela, bere egitura eta ahal dela europako parte-hartzea ere. Diario Vascok bere aldetik, gurekiko zuen laguntza sendotzea erabaki du, eta horrela taldea hazten lagundu eta bertan mantentzea lagunduz.

Klubetik, gainontzeko enpresei deia luzatzen diegu IDK Gipuzkoaren, eta haren proiektuen aldeko apustua egin dezaten.

Tag: IDK Gipuzkoa