IDK Euskotren Tenerifera doa, kopako billetearen bila
Joan den larunbatean Gascan lortutako garaipenaren ondoren, Azuren taldea biribildu egin nahi dute lehiaketan duten papera, eta asteburu honetan Erregina Kopako txartela lortu nahi dute. “Taldeak nahi zuen helburu bat da, eta, beraz, uste dut ez dagoela inolako arazorik asmo hori izateko. Oraintxe bertan pausu batera dugu, nik uste dut orain ezin dugula ihes egiten utzi”. Etxetik kanpo taldeari gertatzen zaionaz eta arazo horiek zuzentzeko moduaz zera zioen, “oso sendoak izan behar dugu atzean, erasoan gaizki gaudenean defentsaren bidez aurkariari aurre egin ahal izateko”.
Aurrean Tenerifeko Ciudad de La Laguna egongo da. Claudio Garcíarenak sailkapeneko seigarren postuan daude, 8 garaipen eta 5 porrotekin. Azuk honela aztertzen zuen aurkaria, “liga oso gogor hasi zuen taldea da, dena irabazten zuen. Egoera txarra pasatu dute hainbat arazoren ondorioz. Talde hori bi jokalariren mende dago, baina ez du kentzen gainerakoak ondo laguntzen duenik. Ez da nahikoa bi jokalari horiek gelditzea”.
